Astudiaeth Achos 2

Noder mai ffuglen yw’r astudiaeth achos isod ac nid yw o angenrhaid yn cynrychioli’r gweithdrefnau cywir fel a nodir yn y rheoliadau. Mae wedi ei ddylunio yn unig i bryfocio ac i annog trafodaeth.

Mae corff llywodraethu Ysgol y Nant yn ystyried penodi llywodraethwr cymunedol. Mae’r cadeirydd yn dweud wrth yr holl lywodraethwyr cymunedol sydd yn y cyfarfod nad ydynt yn cael cymryd rhan mewn unrhyw drafodaeth am y penodiad na phleidleisio chwaith. Dywedir wrthyn am adael yr ystafell.

Rheoliadau Llywodraethu Ysgolion a Gynhelir (Cymru) 2005
Rhan 2, Rheoliad 8

1. Yn y Rheoliadau hyn—
   ystyr “llywodraethwr cymunedol” (“community governor”) yw person a benodir yn llywodraethwr gan y corff llywodraethu ac sydd—
   – (a) yn berson sy’n byw neu’n gweithio yn y gymuned a wasanaethir gan yr ysgol, neu
   – (b) yn berson sydd, ym marn y corff llywodraethu, yn ymrwymedig i lywodraeth dda a llwyddiant yr ysgol;.
   ystyr “llywodraethwr cymunedol ychwanegol” (“additional community governor”) yw llywodraethwr a benodir yn unol â rheoliad 20.
2. Anghymhwysir person rhag cael ei benodi na pharhau i ddal swydd fel llywodraethwr cymunedol ysgol os yw—
   – (a) yn ddisgybl cofrestredig yn yr ysgol;
   – (b) yn gymwys i fod yn athro-lywodraethwr neu’n staff-lywodraethwr i’r ysgol.
3. Anghymhwysir person rhag cael ei benodi’n llywodraethwr cymunedol ysgol os yw’n aelod etholedig o’r awdurdod addysg lleol.
4. Nid yw paragraffau (2) a (3) yn gymwys yn achos llywodraethwr cymunedol ychwanegol.

Cliciwch yma ar gyfer Ffeil Ffeithiau Llywodraethwyr Cymunedol

Cliciwch yma ar gyfer Astudiaeth Achos 3